الدكتورة يوهانسن عيد رئيس الهيئة القومية لضمان جودة التعليم والاعتماد التابعة لرئيس مجلس الوزراء صرحت أمس الأحد 9 يونيو 2019 وقالت إن التعليم المصري وصلت جودته للعالمية ومنتظرين الريادة الأفريقية والعربية 
في الحقيقة أنا كمواطن مصري نفسي أعيش وأتمتع بمصر الموجودة فقط في تصريحات المسئولين ، في البداية خلينا نأكد أننا كمصريين نفسنا التعليم المصري يبقي أفصل تعليم في العالم ، عشان خاطر مستقبل أولادنا، وكمان نترحم شوية من مصاريف التعليم المجاني.
مبدئيا : لازم نوصل الأول للريادة التعليمية في العرب و أفريقيا ، وبعد كده نفكر في العالمية ، وللأسف واقع الحال بيقول ان مصر في المركز ال 13 عربيا من حيث جودة التعليم ، وبالنسبة للترتيب العالمي الحمد لله مصر كانت في المركز الأخير عالميا ، لكن اتحركت لفوق مركز وأصبحت في المركز 129 اللي هو المركز الأخير قبل موريتانيا.
كمان نشوف تصريحات وزير التعليم الدكتور طارق شوقي لما قال ان تصنيف مصر الدولى في التعليم لا يسر أحد 
من باب الإنصاف اننا نقول ان المشكلة مش مشكلة النظام الحالي فقط ولكنها تراكمات عشرات السنوات الإهمال المتعمد والتخريب المقصود ، لكن عمل ايه اىلنظام الحالي لتحسين مستوي التعليم.
نظرة للتعليم اللي بيبني مستقبل الأمم يا حكومة